प्रधानमन्त्री सुशीला कार्कीको पहल : राष्ट्रिय सहमतिको दिशामा ऐतिहासिक संवाद

प्रधानमन्त्री सुशीला कार्कीले आज बालुवाटारमा देशका विभिन्न राजनीतिक दलहरुसँग चार घण्टा लामो संवाद गरेकी छन् । जेनजी आन्दोलनपछि बनेको अन्तरिम सरकारले पहिलोपटक दलहरुसँग गरेको यो औपचारिक संवादले आगामी निर्वाचनको तयारी र राष्ट्रिय सहमतिको दिशामा नयाँ आशा अनि भरोसा जगाएको छ।

संवादमा ११ राजनीतिक दलका प्रतिनिधिहरू सहभागी थिए। बैठकमा दुई जना प्रतिष्ठित नागरिक केदारभक्त माथेमा र विद्याधर मल्लिकलाई पर्यवेक्षकका रूपमा समावेश गरिएको थियो, जसले संवादलाई निष्पक्ष, विश्वासयोग्य र सर्वपक्षीय स्वीकार्यता बढाउन सहयोग पुर्‍यायो। प्रधानमन्त्री कार्कीले बैठकको सुरुवातमै सबै दलहरूलाई आगामी चुनावमा सहभागी हुन आह्वान गर्दै लोकतान्त्रिक अभ्यासलाई बलियो बनाउने जिम्मेवारी सबैको साझा हो भन्ने सन्देश दिइन्।