भारत छाड्ने आदेशमा इमरान खानलाई अदालतको रोक, तत्काल राहत

काठमाडौं – भारत छाड्न जारी गरिएको सूचनाविरुद्ध बम्बे उच्च अदालत पुगेका बलिउड अभिनेता इमरान खानले तत्कालका लागि राहत पाएका छन्। अदालतले अर्को सुनुवाइ नभएसम्म केन्द्र सरकारको आदेश कार्यान्वयनमा अन्तरिम रोक लगाएको छ।

सुनुवाइका क्रममा अतिरिक्त सोलिसिटर जनरलले मुद्दाको सुनुवाइ सोमबारसम्मका लागि सार्न आग्रह गरेका थिए । त्यस अवधिमा अभिनेताविरुद्ध कुनै बाध्यकारी कारबाही नगरिने मौखिक आश्वासनसमेत दिइएको थियो । अदालतले मुद्दाको अर्को सुनुवाइ नोभेम्बर २ मा दिउँसो ३ बजेका लागि तोकेको छ । त्यतिन्जेल सम्बन्धित सूचनाको कार्यान्वयन रोकिएको छ ।