म्यानचेस्टर युनाइटेडले प्रशिक्षक क्यारिकलाई प्रदर्शन सुधार्ने अवसर दिने

काठमाडौं । म्यानचेस्टर युनाइटेडका प्रशिक्षक माइकल क्यारिकले यसै साता चेल्सीविरुद्ध हुने खेलमा पनि टोलीको जिम्मेवारी सम्हाल्ने भएका छन् ।

खराब नतिजाका कारण उनको भविष्यबारे प्रश्न उठे पनि क्लब व्यवस्थापनले उनलाई टोलीको प्रदर्शन सुधार्ने अवसर दिने भएको हो । बर्नमाउथसँग घरेलु मैदानमा ३–० ले पराजित भएपछि युनाइटेडको लगातार आठ खेलमा जितविहीन यात्रा लम्बिएको थियो । जारी सिजन प्रिमियर लिगका आठ खेलमा टोलीले एक खेल मात्रै जितेको छ र रेलिगेसन क्षेत्रभन्दा एक स्थान माथि रहेको छ।