सस्तो ब्याजदर र तरलताले बढायो सेयर कर्जा, मार्जिन कर्जा १ खर्ब ६२ अर्ब नाघ्यो

काठमाडौं। मुलुकको समग्र औद्योगिक तथा व्यावसायिक क्षेत्रमा कर्जाको माग सुस्त रहँदा बैंक तथा वित्तीय संस्थामा लगानीयोग्य तरलता बढ्दै गएको छ । तर सोहीबीच सेयर बजारमा लगानी गर्न प्रयोग हुने मार्जिन प्रकृतिको सेयर धितो कर्जा भने उल्लेख्य रुपमा विस्तार भएको देखिएको छ।

नेपाल राष्ट्र बैंकले सार्वजनिक गरेको चालु आर्थिक वर्षको १० महिनाको वित्तीय प्रतिवेदन अनुसार बैंक तथा वित्तीय संस्थाहरूको कुल शेयर धितो कर्जा १ खर्ब ६२ अर्ब ५३ करोड ९५ लाख रुपैयाँ पुगेको छ । जुन गत असार मसान्तको तुलनामा २१ अर्ब ८३ करोड रुपैयाँले बढी हो।