पार्की दाजुभाईले नवौं राष्ट्रिय खेलकुद प्रतियोगिता रचे इतिहास

नवौं राष्ट्रिय खेलकुद प्रतियोगिता गोपीराज पार्की र शिवराज पार्की दाजुभाईका लागि ऐतिहासिक रह्यो । एथ्लेटिक्सअन्तर्गत गोपीचन्द्र पार्कीले आफ्नो कीर्तिमान सुधार गर्दै पाँच हजार मिटरमा स्वर्ण जिते । दुई सय मिटरको स्वर्ण गोपीका भाई शिवराजले हात पारे । खेलकुदमा यस्तो अवसर विरलै आउँछ ।

३३ वर्षीय एथलिट शिवराज पार्की विहानैदेखि उत्साहित थिए । २ सय मिटर दौडको तयारी गरिरहेका उनलाई आफ्नो भन्दा दाजु गोपीचन्द्रको चिन्ता बढी थियो । गोपीले १० हजार मिटरको स्वर्ण गुमाएकाले पनि भाइ शिवराजलाई बढी पीर लागेको थियो । तर गोपीले पाँच हजार मिटरमा स्टेपल चेज च्याम्पियन दुर्गाबहादुर बुढालाई हराउादै स्वर्ण जिते । यसले दुई सय मिटरमा प्रतिस्पर्धा गर्न लागेका शिवराजलाई थप उर्जा मिल्यो र डाइभ हान्दै सवैभन्दा पहिले फिनिसिङ लाइन पार गरे ।