लुम्बिनी सरकारको १०० दिन, २ लाख महिला र युवालाई रोजगारी दिने घोषणा

बुटवल।

लुम्बिनी प्रदेश सरकारले सय दिनको उपलब्धि सार्वजनिक गरेको छ । स्थानीय सामाग्रीको उत्पादन र त्यसको बजारीकरणबाट मात्रै गाउँ गाउँमा रोजगारी सृजना गर्न सकिने भन्दै चालु आर्थिक वर्षमा दुई लाख व्यक्तिलाई रोजगारी दिने योजना रहेको मुख्यमन्त्री डिल्लीबहादुर चौधरीले बताए । जसका लागि प्रदेश सरकारले डेढ अर्ब बजेट विनियोजन पनि गरिसकेको छ । सरकारले मुख्यमन्त्री आर्थिक विकास कार्यक्रमलाई एउटा रोल मोडेलको रुपमा अघि बढाउन थालिएको जनाएको छ । जसमा महिला र युवालाई विशेष प्राथमिकतामा राखेर रोजगारीका अवसरहरु सृजना गरिने छ ।