फेरि बास खोसिने त्रासमा २०७१ का बाढीपीडित

जिल्लाको पञ्चपुरी नगरपालिका–५ स्थित कालिका सामुदायिक वनको समथल भूभाग अहिले पालबजारका नामले चिनिन्छ। २०७१ साउनको बाढीले भेरी किनारको तिखाकुना बस्ती बगाएपछि त्यहाँबाट विस्थापित कालिका सामुदायिक वनमा पाल टाँगेर बसेका थिए। त्यही बस्ती अहिले पालबजारका नामले चिनिन्छ।

अहिले यही बजारको बिचबाट बनेको सडक कालोपत्रे भएको छ। बाबियाचौरबाट तातापानी हुँदै यो सडक पर्यटकीय क्षेत्र चिसापानी पुग्छ। दैनिक सयौं सवारीसाधन यही बाटो भएर ओहोरदोहोर गर्छन्। यो बाटो भएर सुदूरपश्चिमका विभिन्न भागमा पुगिन्छ।