‘अरनब’ चक्रवातको जोखिम: पदयात्री र पर्यटकलाई उच्च सतर्कता अपनाउन आग्रह

काठमाडौँ। बङ्गालको खाडीमा विकसित ‘अरनब’ चक्रवातका कारण नेपालमा पर्न सक्ने प्रभावलाई ध्यानमा राख्दै पर्वतीय पर्यटन व्यवसायीहरूको छाता संस्था ट्रेकिङ एजेन्सीज् एसोसिएसन अफ नेपाल (टान) ले पथप्रदर्शक, पदयात्री र पर्यटकहरूलाई उच्च सतर्कता अपनाउन आग्रह गरेको छ।

जल तथा मौसम विज्ञान विभाग र राष्ट्रिय विपद् जोखिम न्यूनीकरण तथा व्यवस्थापन प्राधिकरणको सूचनाअनुसार कात्तिक १२ गते रातिदेखि नेपालमा पनि चक्रवातको प्रभाव सुरु हुनेछ। कात्तिक १३ र १४ गते तराई, चुरे र मध्यपहाडी क्षेत्रमा चट्याङ र हावाहुरीसहित मध्यमदेखि भारी वर्षा तथा हिमाली क्षेत्रमा भारी हिमपात, हिमआँधी र हिमपहिरोको उच्च जोखिम रहेको टानले जनाएको छ।