सम्भावित भारी वर्षालाई ध्यानमा राख्दै स्वास्थ्य क्षेत्र सतर्क अवस्थामा

काठमाडौं- सम्भावित भारी वर्षा तथा त्यसबाट उत्पन्न हुन सक्ने बाढी, पहिरो र डुबानको जोखिमलाई ध्यानमा राख्दै स्वास्थ्य तथा खाद्य स्वच्छतामन्त्री निशा मेहताले स्वास्थ्य मन्त्रालयको संरचनालाई सक्रिय बनाउँदै पूर्वतयारी र प्रतिकार्यलाई प्रभावकारी बनाउने विषयमा छलफल गरेकी छन्।

जल तथा मौसम विज्ञान विभाग तथा विपद् जोखिम न्यूनीकरण तथा व्यवस्थापन प्राधिकरणबाट प्राप्त जानकारीअनुसार २०८३ कात्तिक १२ देखि १४ गतेसम्म देशका विभिन्न स्थानमा चट्याङ र हावाहुरीसहित मध्यमदेखि भारी वर्षा हुन सक्ने पूर्वानुमान गरिएको छ। सम्भावित विपद्का बेला स्वास्थ्य सेवा प्रभावित हुन नदिन र प्रभावित नागरिकलाई तत्काल सेवा उपलब्ध गराउन मन्त्रालयअन्तर्गतका निकायलाई तयारी अवस्थामा राख्ने विषयमा मन्त्री मेहताले छलफल गरेकी हुन्।