भारतका विमानस्थल प्रयोग गरेर वैदेशिक रोजगारीमा पठाउने १५९ मेनपावर कारबाहीमा

काठमाडौँ । वैदेशिक रोजगार विभागले अनुमति विना भारतका विमानस्थल प्रयोग गरेर श्रमिकलाई वैदेशिक रोजगारीमा पठाउने भन्दै मेनपावर कम्पनीलाई कारबाही गरेको छ । विभागले १५९ वटा वैदेशिक रोजगार व्यवसायी संस्थालाई कारबाही गरेको हो ।

त्यस्तै, विभागले माग गरेको विवरण नबुझाउने थप ४३४ म्यानपावर कम्पनीलाई भने सचेत गराएको जनाएको छ । विभागका अनुसार भारतबाट अनुमतिबिना उडान गराउने तथा विभागले मागेको विवरण नपठाउने मास हृयुमन रिसोर्स, नुन रिसोर्स, एपेक्स एचआर कन्सल्टेन्सी, टेस्ला ओभरसिज, सुनागुवा इन्टरनेसनल, एलाइड इन्टरनेश्नल म्यानपावर र अञ्जली ओभरसिज सर्भिस, ग्रान्ड सुइट जबलाई जरिवाना गरिएको विभागले जनाएको छ।