इंग्ल्यान्डका 'संकटमोचक' बेलिङघम

असीमित ऊर्जा र गोल गर्ने अद्भुत क्षमताका साथ जुड बेलिङघमले २०२६ फिफा विश्वकपको क्वार्टरफाइनलमा नर्वेविरुद्ध सानदार प्रदर्शन गरे। उनको दुई गोलको मद्दतले इंग्ल्यान्ड सेमिफाइनलमा पुग्न सफल भएको छ।

जब बेलिङघमले गोल गरे, इंग्ल्यान्डका अन्य खेलाडीहरू खुसी मनाउन एक ठाउँमा झुम्मिएका थिए। तर, गोल गर्ने बेलिङघम भने त्यहाँ धेरैबेर बसेनन्। उनी तुरुन्तै आफ्नो 'हाफ' तिर दौडिए र मुठ्ठी कसेर समर्थकहरूलाई जोसिँदै 'कम अन' भन्दै कराए। उनलाई गोलको उत्सव मनाउनु भन्दा पनि खेल छिटो सुरु गरेर जित हासिल गर्नु थियो। उनी केवल जित्न चाहन्थे।