वीपी स्मृति दिवसमा कांग्रेसका समानान्तर कार्यक्रम

काठमाडौँ । साउन ६ गते वीपी स्मृति दिवसमा नेपाली कांग्रेसका दुई समूहले समानान्तर कार्यक्रम आयोजना गर्ने निश्चित भएको छ । संस्थापन र इतर (निवर्तमान सभापति शेरबहादुर देउवा र डा.शेखर कोइराला) समूहले छुट्टाछुट्टै कार्यक्रम आयोजना गर्ने निर्णय गरेका हुन् ।

संस्थापनले संगठन सुदृढीकरणका लागि सञ्चालन गरेको ‘जरा अभियान’ र सदस्यता अभियानको यो चरण साउन ६ गते जननायक विश्वेश्वरप्रसाद कोइरालाको ४४औँ स्मृति दिवसको अवसर पारेर जिल्ला कार्यसमितिहरूको आयोजनामा व्यापक सहभागितासहित औपचारिक समापन कार्यक्रम गर्ने तय भएको महामन्त्री प्रदीप पौडेलले जानकारी दिए ।