अन्नपूर्ण गाउँपालिकाका अध्यक्ष भन्छन्– मानवीय क्षति भएको छैन, पुल बगाउँदा ४० घर परिवार प्रभावित

कास्कीको अन्नपूर्ण गाउँपालिका–११ स्थित किम्रुङ खोलामा आएको बाढीले पुल बगाउँदा ४० घर परिवार प्रभावित बनेका छन् ।​

आइतबार दिउँसो आएको बाढीले मानवीय क्षति नभए पनि पुल बगाउँदा ४० घर परिवार प्रभावित बनेका अन्नपूर्ण गाउँपालिकाका अध्यक्ष विष्णुबहादुर केसीले लोकान्तरलाई जानकारी दिए । ‘किम्रुङ बग्ने भनेको ठाडो खोला हो । माथितिर बाढी र पहिरो गएको देखिन्छ । ढुंगा र काठ बगाएर ल्याएको छ,’ उनले भने ।