एसईई रजिस्ट्रेसनका लागि बोर्डले तोक्यो समयसीमा

काठमाडौँ- राष्ट्रिय परीक्षा बोर्ड, परीक्षा नियन्त्रण कार्यालय कक्षा १०, सानोठिमी, भक्तपुरले शैक्षिक सत्र २०८३ मा कक्षा ९ मा अध्ययनरत विद्यार्थीलाई माध्यमिक शिक्षा परीक्षा (एसईई) २०८४ मा सहभागी गराउन रजिस्ट्रेसन फाराम भर्न सम्बन्धित विद्यालयलाई निर्देशन दिएको छ।

बोर्डले नियमित माध्यमिक शिक्षा परीक्षामा सहभागी हुने विद्यार्थीको रजिस्ट्रेसन फाराम भर्ने व्यवस्था मिलाउन सूचना जारी गरेको हो। सूचनाअनुसार विद्यालयहरूले २०८३ साल कात्तिक ९ गतेदेखि मंसिर १३ गतेसम्म विद्यार्थीको रजिस्ट्रेसन फाराम भर्न सक्नेछन्।