नियुक्त भएको ३ महिनामा पनि कर्णालीका मन्त्रीहरूको सम्पत्ति विवरण गुपचुप !

सुर्खेत । ७ वैशाखमा कर्णाली प्रदेशको अर्थमन्त्रीको जिम्मेवारी सम्हालिसकेपछि वेदराज सिंहले पटक–पटक भन्दै आएका छन्, ‘मेरो हकमा सुशासन र आर्थिक पारदर्शिता पहिलो प्राथमिकतामा हुनेछ ।’

प्रदेश सरकारका अरु मन्त्रीहरुले पनि सुशासनलाई पहिलो प्राथमिकतामा राख्दै आएको दाबी गर्दै आएका छन् । यद्यपि व्यवहारमा देखिदैन । ७ वैशाखमा नियुक्त भएका अर्थमन्त्री सिंहलगायत चार जना मन्त्रीहरुले अहिलेसम्म पनि आफ्नो सम्पत्ति विवरण सार्वजनिक गरेका छैनन् ।