कीर्तिपुरका सुकुमबासी खरिपाटीमाः गाँसको टुंगो छैन, बालबालिकाको बिजोग

काठमाडौँ । शुक्रबार राति आएको अविरल वर्षाका कारण कीर्तिपुरस्थित राधास्वामी होल्डिङ सेन्टर डुबानमा परेपछि ३१ परिवारका ८९ जना सुकुमबासीलाई खरिपाटीमा सारिएको छ ।

शनिबार राति र आइतबार बिहान गरी उनीहरूलाई खरिपाटी स्थानान्तरण गरिएको हो भने केही परिवारलाई भक्तपुरको बोडेमा लगिएको छ । शुक्रबार रातिको अविरल वर्षा र बाढीले सर्वस्व गुमाएका उनीहरूलाई खरिपाटी सारिए पनि दैनिक जीवनयापन, बालबालिकाको विद्यालय आवतजावत र दीर्घकालीन व्यवस्थापनको विषय अझै अन्योलमा रहँदा पीडितहरू चिन्तित बनेका छन् ।