लुम्बिनी वास्तु सम्मेलन सातबुँदे घोषणापत्र जारी गर्दै सम्पन्न

बुटवल । रुपन्देहीको तिलोत्तमा नगरपालिका–५, मणिग्राममा आयोजित लुम्बिनी वास्तु सम्मेलन–२०८३ सात बुँदे घोषणापत्र जारी गर्दै सम्पन्न भएको छ। दक्षिण एसियाली ज्योतिष महासंघ, लुम्बिनी प्रदेश समितिको आयोजनामा सम्पन्न सम्मेलनले प्राचीन वास्तु विज्ञानको मौलिकता, शास्त्रीय मर्यादा र सांस्कृतिक गरिमाको संरक्षण तथा प्रवर्द्धनलाई राष्ट्रिय अभियानका रूपमा अघि बढाउने प्रतिबद्धता व्यक्त गरेको छ।

सम्मेलनले जारी गरेको सात बुँदे घोषणापत्रमा वास्तुसम्बन्धी प्राचीन ग्रन्थ, परम्परागत अभ्यास तथा लोक अनुभवको वैज्ञानिक अध्ययन, अनुसन्धान, अभिलेखीकरण र प्रकाशनलाई प्रोत्साहन गर्ने विषयलाई प्राथमिकताका साथ समेटिएको छ।