आहा ! गोसाइँकुण्ड पदयात्रा

काठमाडौं । गोसाइँकुण्ड पदयात्रा । जहाँ धेरैको जाने इच्छा हुन्छ । प्राकृतिक सुन्दरताले भरिपूर्ण त छँदै छ अझ हिन्दुहरूका लागि त धार्मिक महत्त्व नै बोकेको स्थल । म पनि जाने भएँ, साथीहरूसँग ।

नाभेम्बर मध्यतिरको एक बिहान, साढे ५ बजेतिर मसहित चारजना साथीहरूसँग गोसाइँकुण्ड पदयात्राका लागि निस्कछौँ, काठमाडौंको माछापोखरीबाट । हामी रसुवाको सदरमुकाम धुन्चेको बस चढ्यौँ । करिब ६ घण्टाको यात्रापछि धुन्चे पुगियो ।