भूकम्प प्रभावितलाई बचाऊ

भूकम्प गए पनि कसैको ज्यान जानु हुँदैनथ्यो। कात्तिक १७ गते जाजरकोट र रुकुमपश्चिममा भूकम्प गयो, १ सय ५४ जनाको ज्यान गयो। त्यो वास्तवमा भूकम्पले भन्दा पनि कमजोर घरहरूले लिएको ज्यान हो। भूकम्प प्रतिरोधी घर निर्माण गर्ने ल्याकत त्यहाँका बासिन्दासँग हुन्थ्यो भने कसैको ज्यान अनाहकमा जाँदैनथ्यो।

एक गरिबी छ र अर्काे राज्यको निरीहता। सहरमै पनि भूकम्प प्रतिरोधी घर निर्माणलाई कडाइका साथ लागू गर्न नसकेको राज्यले गाउँगाउँमा त्यसो गर्न न क्षमता राख्छ न त नागरिकसँगै त्यो हैसियत छ। वास्तवमा नागरिकको जीवनस्तर कमजोर बनाउने राज्य संयन्त्रले नै लिएको हो भन्न सकिन्छ ती निर्धा नागरिकको जिउधन।