च्याम्पियन्स लिग अन्तिम १६ को पहिलो लेगमा रियाल मड्रिड विजयी, दबाबमा एटलेटिको

काठमाडौं । च्याम्पियन्स लिग अन्तिम १६ को पहिलो लेगमा रियाल मड्रिडले आफ्नै होम टाउनको एटलेटिको मड्रिडलाई २-१ ले हराएको छ । मंगलबार राती बर्नव्यउमा रियाल मड्रिडले सुरुवातदेखि नै अग्रता कायम गरेर पहिलो लेग आफ्नो पोल्टामा पारेको हो ।

रियाललाई जिताउन रोड्रिगोले खेलको चौथो मिनेट मै गोल गरे भने दोस्रो हाफपछि ब्राहिम डियाले गोल गरेर जित सुनिश्चित गरे । एटलेटिकोका जुलियन अल्भारेजले एक गोल फर्काए । अब यी दुईबीचको दोस्रो लेग एटलेटिकोको घरेलु मैदान मेट्रोपोलिटानो स्टेडियममा हुने भएको छ ।