सरकारी वेबसाइटमा वैध एसएसएल/टीएलएस प्रमाणपत्र अनिवार्य गर्न साइबर सुरक्षा केन्द्रको निर्देशन

काठमाडौं । प्रधानमन्त्री तथा मन्त्रिपरिषद्को कार्यालयअन्तर्गत सूचना प्रविधि तथा विद्युतीय शासन कार्यालय, राष्ट्रिय साइबर सुरक्षा केन्द्रले सरकारी निकायका आधिकारिक वेबसाइटहरू सुरक्षित बनाउन वैध एसएसएल/टीएलएस प्रमाणपत्र अनिवार्य रूपमा लागू गर्न निर्देशन दिएको छ।

केन्द्रले डिजिटल सेवाको सुरक्षा, गोपनीयता तथा विश्वसनीयता कायम राख्न र प्रयोगकर्ताको तथ्यांक आदानप्रदानलाई सुरक्षित बनाउन सबै सरकारी निकायलाई वेबसाइटको सुरक्षा प्रणाली चुस्त बनाउन आग्रह गरेको हो।