सलिको गल्फ प्रतियोगिता शनिबार गोकर्ण फरेस्ट रिसोर्टमा हुने

११ कात्तिक, काठमाडौं । सगरमाथा लुम्बिनी इन्स्योरेन्स कम्पनी लिमिटेड (सलिको) ले आगामी शनिबार अर्थात् अक्टोबर ३१ मा काठमाडौंको गोकर्ण फरेस्ट रिसोर्टस्थित गल्फ मैदानमा गल्फ प्रतियोगिता आयोजना गर्ने भएको छ।

कम्पनीका अनुसार प्रतियोगितामा नेपालका कर्पोरेट क्षेत्रका प्रतिनिधिसहित करिब एक सय सोखिया गल्फ खेलाडी सहभागी हुने अपेक्षा गरिएको छ। प्रतियोगिताले खेलकुदमार्फत व्यावसायिक क्षेत्रका प्रतिनिधिबीच आपसी सम्बन्ध, सहकार्य र मित्रता विस्तार गर्ने उद्देश्य राखेको छ।