राससका नवनियुक्त अध्यक्ष कोइरालाद्वारा कार्यभार ग्रहण

काठमाडौँ, ११ कात्तिकः राष्ट्रिय समाचार समिति (रासस) सञ्चालक समितिको अध्यक्षमा नियुक्त सूचना तथा सञ्चार मन्त्रालयका सहसचिव विष्णुप्रसाद कोइरालाले आज केन्द्रीय कार्यालयमा कार्यभार सम्हाल्नुभएको छ ।

उहाँलाई महाप्रबन्धक सन्दीप राई र विभागीय प्रमुखहरूले स्वागत गर्नुभयो । पद बहालीपछि अध्यक्ष कोइरालाले राससको सङ्गठन तथा व्यवस्थापन सर्वेक्षणको काम तदारुकाताका साथ अघि बढाउनुपर्नेमा जोड दिनुभयो ।