भूपिन र जुनु रानाको किताबलाई विमल गुरुङ कृति पुरस्कार

सुनसरी । कवि विमल गुरुङ स्मृति पुस्तकालय व्यवस्थापन समितिले ‘विमल गुरुङ कृति पुरस्कार–२०८२’ भूपिन खड्काको कृति ‘मध्यको उज्यालो’ र जुनु रानाको कृति ‘लाहुरेनी सौन्दर्य’लाई संयुक्तरुपमा प्रदान गर्ने घोषणा गरेको छ ।

पुस्तकालय समितिका अनुसार खड्का र रानाको दुवै कृति निबन्ध संग्रह हुन् । पुरस्कार राशी नगद दुई लाख रुपैयाँ र ताम्रपत्र रहेको छ । कृतिकार खड्का चितवनस्थित एक शैक्षिक संस्थामा प्राध्यापन गर्छन् । उनले यसअघि चार कविता संग्रह, एक आख्यान, एक निबन्ध संग्रह प्रकाशित गरिसकेका छन् । बाग्लुङ घर भएपनि हाल हङकङलाई कर्मथलो बनाएर साहित्य लेखनका सक्रिय रानाले यसअघि कविता संग्रह ‘रातो नदी’ प्रकाशित गरिसकेकी छन् ।