वामदेवको सक्रियतामा जुटेको हात्तिवनको भेट

विघटित नेपाल कम्युनिष्ट पार्टी (नेकपा) का तत्कालीन पाँच जना सचिवालय सदस्यबीच भेटवार्ता भएको छ । तत्कालीन नेकपाका एक अध्यक्ष पुष्पकमल दाहाल ’प्रचण्ड’सहित सचिवालय सदस्यहरु माधवकुमार नेपाल, झलनाथ खनाल, वामदेव गौतम र नारायणकाजी श्रेष्ठबीच आज सामूहिक भेटघाट भएको हो ।

हात्तीवनस्थित एक अपार्टमेन्टमा भेटवार्ता भएको स्रोतको भनाई छ । माओवादी अध्यक्ष प्रचण्ड पुत्री गंगा दाहालले भेटवार्ताको तस्बिर सार्वजनिक गरेकी हुन् । त्यसक्रममा नेताहरुबीच पछिल्लो राजनीतिक अवस्था, स्थानीय तह निर्वाचन, वाम तथा समाजवादी आन्दोलन, नेपाली काँग्रेससँगको गठबन्धनबारे छलफल भएको बताइएको छ । नेताहरुबीच यस प्रकारको छलफललाई निरन्तरता दिने समझदारीसमेत बनेको बताइएको छ ।