‘नेपाल कतै पाकिस्तानी मोडेलतर्फ त जाँदै छैन ?’

काठमाडौँ । प्रतिपक्ष दल नेकपा (एमाले) का संसदीय दलका नेता रामबहादुर थापा ‘बादल’ ले संसद्मा देखिएको गतिरोध अन्त्य गर्ने साँचो प्रधानमन्त्री बालेन्द्र साह र राष्ट्रिय स्वतन्त्र पार्टी (रास्वपा) का सभापति रवि लामिछानेको हातमा रहेको बताएका छन्। बुधबार प्रतिनिधि सभा बैठकमा बोल्दै उनले संसद्को सङ्कट समाधानका लागि तीनवटा सर्तसमेत अघि सारेका छन्।

प्रधानमन्त्री साहले नेपालले पनि भारतको भूमि मिचेको भनी दिएको अभिव्यक्ति राष्ट्रविरोधी र तथ्यहीन भएको भन्दै एमालेले संसद्मा विरोध जनाउँदै आएको छ। नेता थापाले प्रधानमन्त्रीको पछिल्लो अभिव्यक्तिलाई लिएर परराष्ट्रमन्त्रीले दिएको स्पष्टीकरणप्रति आफ्नो दलको गम्भीर असहमति रहेको बताए। प्रधानमन्त्रीको घोषणा वा वक्तव्यको रक्षा परराष्ट्रमन्त्रीले गर्ने नभई प्रधानमन्त्री स्वयं रोस्ट्रममा उपस्थित भएर जवाफ दिनुपर्ने उनको माग छ।