शहीद दशरथ चन्द स्वास्थ्य विज्ञान विश्वविद्यालयमा आफ्नै ‘ब्लड बैंक’ सञ्चालनको तयारी

धनगढी । कैलालीको गेटास्थित शहीद दशरथ चन्द स्वास्थ्य विज्ञान विश्वविद्यालयले आफ्नै ‘ब्लड बैंक’ (रक्तसञ्चार केन्द्र) सञ्चालनको तयारी अघि बढाएको छ । ब्लड बैंक स्थापनाका लागि विज्ञ टोलीले सम्भाव्यता अध्ययन गरिसकेको छ भने चाँडै सेवा सञ्चालनमा ल्याउने गरी प्रक्रिया थालिएको छ ।

विश्वविद्यालयले सेवा सुरु गर्ने तयारी गरे पनि तत्कालका लागि आवश्यक पर्ने केही आधारभूत उपकरण भने उपलब्ध नरहेको जनाएको छ । विश्वविद्यालयमा अत्याधुनिक उपकरणहरु भए पनि तिनलाई तत्कालै प्रयोगमा ल्याउन सकिने अवस्था नरहेको उपकुलपति डा. सुनिलकुमार जोशीले जानकारी दिए ।