पशुपति क्षेत्र विकास कोषका दीर्घसेवी कर्मचारी आन्दोलित

काठमाडौँ – नयाँ नियमावलीमार्फत खुला प्रतिस्पर्धाबाट पदपूर्ति गर्ने प्रक्रिया अघि बढाउन खोजिएको भन्दै पशुपति क्षेत्र विकास कोषका कर्मचारी आन्दोलित भएका छन्। उनीहरूले लामो समयदेखि कार्यरत कर्मचारीको स्थायी व्यवस्थापन गरेपछि मात्रै नयाँ नियुक्ति प्रक्रिया अघि बढाउन माग गरेका छन्।

कर्मचारीहरूले एकपटकका लागि विशेष पदपूर्ति समिति गठन गरी वर्षौँदेखि सेवा गर्दै आएका कर्मचारीको सेवा सुनिश्चित गर्नुपर्ने माग गरेका हुन्।