सुदूरपश्चिमको बजेट छानबिन अलपत्र, मुख्यमन्त्रीसहित मन्त्रीको राजीनामा माग

धनगढी । बजेट निर्माणमा अनियमितता भएको आरोप उठेपछि संसदीय छानबिन समिति गठन गर्ने र पूरक बजेट ल्याउने निर्णय गरेको सुदूरपश्चिम प्रदेश सरकार आफ्नै निर्णय कार्यान्वयनमा उदासीन देखिएको छ । प्रदेश मन्त्रिपरिषद् र प्रदेशसभाबाट भएका निर्णय कार्यान्वयन हुन नसक्दा बजेटमाथि उठेका गम्भीर प्रश्न थप पेचिलो बनेका छन् ।

बजेट निर्माणमा बिचौलियाको प्रभाव, कमिसनको खेल तथा पहुँचका आधारमा योजना छनोट गरिएको आरोप लागेपछि छानबिन समिति गठन गर्ने निर्णय भएको थियो । तर, निर्णय भएको लामो समय बितिसक्दा पनि समिति गठन हुन सकेको छैन । यसले बजेटमा भएका भनिएका अनियमिततामाथि छानबिन गर्ने सरकारको प्रतिबद्धतामाथि नै प्रश्न उठाएको छ ।