प्रभावित क्षेत्रमा रहेका खोटाङका नागरिकको अवस्था बुझ्न जिल्ला प्रशासन कार्यालयको आग्रह

खोटाङ । रसुवाको भोटेकोशी नदीमा आएको बाढी प्रभावित क्षेत्रमा रोजगारी, व्यापार तथा अन्य विभिन्नसिलसिलामा पुगेका खोटाङ जिल्लाका नागरिकहरूको अवस्था बुझ्न जिल्ला प्रशासन कार्यालयले आग्रह गरेको छ।

प्रशासनले बुधबार एक सूचना जारी गर्दै बाढी प्रभावित क्षेत्रमा रहेका खोटाङका नागरिकहरू सुरक्षित भए नभएको तथा आफ्ना आफन्तहरूसँग सम्पर्कमा रहे नरहेको यकिन गरी जानकारी गराउन अनुरोध गरेको हो।