मलेसिया रोजगारीबारे भ्रामक सूचना नफैलाउन श्रम मन्त्रालयको आग्रह

काठमाडौं । युवा, श्रम तथा रोजगार मन्त्रालयले मलेसियामा नेपाली श्रमिकको रोजगारी तथा भर्ती प्रक्रियाबारे भ्रामक र तथ्यहीन सूचना नफैलाउन आग्रह गरेको छ।

मन्त्रालयले बुधबार प्रेस विज्ञप्ति जारी गर्दै सञ्चारमाध्यम तथा सामाजिक सञ्जालमा मलेसिया रोजगारीबारे विभिन्न भ्रामक सूचना फैलिएको भन्दै ध्यानाकर्षण भएको जनाएको हो।