सन्त नेता किसुनजीको १४ औँ स्मृति दिवसमा गङ्गा आरती

नेपाली कांग्रेसका संस्थापक, सन्त नेता तथा पूर्वप्रधानमन्त्री कृष्णप्रसाद भट्टराईको १४औँ स्मृति दिवसका अवसरमा गङ्गा आरती गरिएको छ । उनको स्मृति दिवसमा विभिन्न कार्यक्रम आयोजना गर्ने क्रममा सन्त नेता कृष्णप्रसाद भट्टराई केन्द्रले आज बेलुकी पशुपतिनाथ मन्दिर, बागमतीमा विशेष आरती गरिएको हो ।

कार्यक्रममा केन्द्रका अध्यक्ष लोकेश ढकालले १४ वर्षअघि किसुनजीको शव पशुपतिमा जलेसँगै मूल्य, मान्यता र निष्ठाको राजनीति पनि जलेको धारणा राखे । कार्यक्रममा नेपाली कांग्रेसका केन्द्रीय सदस्य एवं राष्ट्रिय योजना आयोगका पूर्व उपाध्यक्ष प्राडा गोविन्दराज पोखरेलको पनि उपस्थिति रहेको थियो ।