घरेलु मैदानमा लखनउको दोस्रो जीत

लखनउ । इन्डियन प्रिमियर लिगको १६ औँ सिजनमा लखनउ सुपरजायन्ट्सले आफ्नो घरेलु मैदानमा दोस्रो जीत दर्ता गरेको छ । केएल राहुलको कप्तानीमा रहेको टोलीले हैदरावादलाई ५ विकेटले पराजित गरेको हो । यो जितपछि लखनउ अङ्क तालिकाको पहिलो नम्बरमा पुगेको छ । टोलीको तीन खेलपछि ४ अङ्क छ ।

लखनउको इकाना क्रिकेट स्टेडियममा टस जितेर पहिले ब्याटिङ गरेको हैदरावादले २० ओभरमा ८ विकेट गुमाएर १२१ रन बनाएको थियो । लखनउले १६ ओभरमा ५ विकेट गुमाएर १२२ रनको लक्ष्य पुरा गरेको थियो ।