काठमाडौँ महानगरले गणेश नेपालीकी श्रीमतीलाई जागिर दिने, छोरीलाई उच्च शिक्षासम्म पढाइदिने

आत्मदाह गरेका गणेश नेपालीकी श्रीमतीलाई काठमाडौँ महानगरपालिकाले रोजगारी दिने भएको छ। आज (आइतबार) सरकार र पीडित पक्षबीच भएको सहमतिअनुसार मृतककी श्रीमती एकमाया नेपालीलाई महानगरपालिकाले योग्यता तथा क्षमताका आधारमा रोजगारी दिने भएको हो।

त्यसै गरी उनकी छोरीको उच्च शिक्षासम्मको अध्ययनको जिम्मा काठमाडौँ महानगरले लिने भएको छ। यसको निर्णय महानगरपालिकाको आगामी कार्यपालिका बैठकले गर्नेछ।