उत्तर यमनमा साउदी हवाई आक्रमणमा १४ जनाको मृत्यु, १० घाइते

साना – यमनको उत्तरी प्रान्त अल–जौफमा बुधबार भएको साउदी हवाई आक्रमणमा कम्तीमा १४ जनाको मृत्यु भएको छ भने १० जना घाइते भएका छन् । उक्त घटनाबारे हुथी विद्रोहीद्वारा सञ्चालित अल–मसिराह टेलिभिजनले जनाएको हो ।

उक्त टेलिभिजनका अनुसार, प्रान्तीय राजधानी अल–हाज्मस्थित एक सार्वजनिक बजारमा पटकपटक हवाई आक्रमण गरिएको थियो । त्यसैगरी, नजिकै रहेको अल–तैसीर इन्धन केन्द्रमा पनि छुट्टै आक्रमण भएको थियो । दुवै स्थानमा मानवीय क्षति भएको समाचारमा उल्लेख छ ।