कामपाको आर्थिक प्रगति १८ प्रतिशत मात्र, प्रवक्ताको वडाको प्रगति दयनीय

काठमाडौं । काठमाडौं महानगरपालिकाका वडाहरुबाट चालू आर्थिक वर्षको अघिल्लो ६ महिनामा वित्तीय प्रगति दयनीय बनेको छ । महानगरले हिजो सार्वजनिक गरेको तथ्याङ्कअनुसार महानगरको वडा नम्बर १७ को अर्धवार्षिक आर्थिक प्रगति अत्यन्तै कमजोर बनेको छ ।

कामपाका प्रवक्ता रहेका नवीन मानन्धर अध्यक्ष रहेको सो वडाको आर्थिक प्रगति शून्य दशमलव ७३ प्रतिशत रहेको छ । अधिक वित्तीय प्रगति गर्नेहरुमा वडाहरुमा १६, २०, १४, २३ र २६ गरी पाँच वडा रहेका छन् । यी वडाले क्रमशः ५१, ४९, ४२, ४१ र ३९ प्रतिशत प्रगति हासिल गरेका छन् । कामपाले चालू आर्थिक वर्षको अघिल्लो ६ महिनामा १८ दशमलव ८४ प्रतिशत वित्तीय प्रगति भएको जनाएको छ ।