ओखलढुङ्गामा भारतीय अनुदानमा विद्यालय भवनको शिलान्यास सम्पन्न

काठमाडौँ । ओखलढुङ्गाको मानेभञ्ज्याङ गाउँपालिका–७ टोक्सेलस्थित श्री स्वर्णान्तराल आधारभूत विद्यालयको नयाँ भवन निर्माणका लागि सोमबार भर्चुअल माध्यमबाट शिलान्यास कार्यक्रम सम्पन्न भएको छ।

भारत सरकारको आर्थिक सहयोगअन्तर्गत उच्च प्रभाव सामुदायिक विकास परियोजना मार्फत निर्माण हुन लागेको उक्त भवन साढे तीन तल्ले हुनेछ। परियोजनाअन्तर्गत विद्यार्थीका लागि कक्षाकोठासँगै छात्र र छात्राका लागि छुट्टाछुट्टै शौचालय पनि निर्माण गरिने बताइएको छ।