निर्वाचन आचारसंहिताविपरीत मन्त्री मेटमणि चौधरीले कन्सल्टेन्सीलाई ६ करोड बाँडेको खुलासा, मन्त्री भन्छन्– थाहा छैन

निर्वाचन आचारसंहिताविपरीत शहरी विकास मन्त्री मेटमणि चौधरीको निर्देशन र सचिव रमेशप्रसाद सिंहको ठाडो हस्तक्षेपमा एक कन्सल्टेन्सीलाई ६ करोड रुपैयाँ दिइएको खुलासा भएको छ ।

निर्वाचन आयोगमा उजुरी परेपछि मन्त्री चौधरी र सचिव सिंहको निर्देशनमा ६ करोड रुपैयाँ एक कन्सलटेन्सीलाई दिइएको खुलासा भएको हो । शहरी विकास तथा भवन निर्माण विभागका महानिर्देशक सुरेन्द्रमोहन श्रेष्ठको समेत मिलेमतो रहेको आयोगमा परेको उजुरीमा उल्लेख गरिएको छ ।