बेलिङ्घमको गोलमा विवाद

नर्वेको उत्कृष्ट विश्वकप यात्राको अन्त्य इङ्ल्यान्डसँग २–१ को क्वार्टरफाइनल हारसँगै भयो र पराजयपछि नतिजाभन्दा बढी चर्चा जुड बेलिङ्घमको बराबरी गोलले पायो।

नर्वेको दाबी उक्त गोलअघि बल स्टेडियममाथि झुन्ड्याइएको ‘स्पाइडरक्याम’ को तारमा लागेको थियो। त्यसैले गोल मान्य हुन नहुने तर्क उनीहरूले गरे। फिफाको नियमअनुसार खेलका क्रममा बल स्पाइडरक्यामको तार वा त्यससँग जोडिएको संरचनामा लागेको पुष्टि भए खेल रोकिएर ‘ड्रप बल’ बाट पुनः सुरु गरिन्छ। त्यसअघि भएको आक्रमणलाई मान्यता दिइँदैन। खेलपछि नर्वेका मिडफिल्डर सान्डर बेर्गेले निर्णयहरू विपक्षमा देखिए भन्दै निराशा व्यक्त गरे। ‘तारसँग जोडिएको त्यो घटना अविश्वसनीय थियो। खेल २–१ ले सकियो, यस्ता निर्णयले खेल परिणाममा असर गर्छ भन्ने देखाउँछ। आज ती निर्णयहरू हाम्रो पक्षमा परेनन्,’ उनले भने। नर्वेका कप्तान मार्टिन ओडेगार्डले पनि निर्णायक क्षणमा रेफ्रीको निर्णयप्रति असन्तुष्टि जनाए।