आलोचना सहन नसक्ने सरकार, प्रश्न गर्दा पक्राउ

काठमाडौ । सुकुमवासीलाई राखिएको कीर्तिपुरस्थित होल्डिङ सेन्टरबाट प्रहरीले शनिबार जेन–जी अगुवा माजिद अन्सारी, सरिस्मा थापा र नेल्सन घतानीलाई नियन्त्रणमा लियो। पानी पसेर होल्डिङ सेन्टर डुबानमा परेपछि सुकुमवासीको सम्मानजनक व्यवस्थापनको माग गर्दै आएका उनीहरू पीडामा ऐक्यबद्धता जनाउन त्यहाँ पुगेका थिए।

तर अन्सारी होल्डिङ सेन्टरको गेटमै प्रहरीबाट कुटपिटमा परे। थापासहितलाई प्रहरीले अपशब्द बोल्दै भ्यानमा हाल्यो। कानुन व्यवसायीसमेत रहेका अन्सारीले प्रहरीसँग पक्राउ पुर्जी मागे, प्रहरीले अश्लील शब्दसहित विद्यार्थी भएर राजनीति नगर्न भन्दै हप्कायो।