विश्वकप २०२२: एम्बाप्पेलाई गोल्डनबुट, मेस्सीलाई गोल्डन बल, मार्टिनेजलाई गोल्डन ग्लभ्स

फिफा विश्वकप २०२२ को सर्वाधिक गोलकर्ता फ्रान्सका किलियन एम्बाप्पे बनेका छन्। जारी विश्वकपमा ८ गोल गरेका एम्बाप्पे सर्वाधिक गोलकर्ता बन्दै गोल्डनबुट जितेका हुन्। उनले अस्ट्रेलियाविरुद्ध १, डेनमार्कविरुद्ध २, पोल्याण्ड विरुद्ध २ र अर्जेन्टिनाविरुद्ध ३ गोल गरेका थिए।

फाइनल खेलमा एम्बाप्पेले ह्याट्रिक गरेका थिए। आजसम्पन्न फाइनल खेलमा एम्बाप्पेको ह्याट्रिकको बावजुत फ्रान्सलाई हराउँदै अर्जेन्टिना च्याम्पियन बनेको थियो।