बहुमूल्य वस्तु भन्दै ठगी गर्ने ६ जना पक्राउ

सेतो ढुंगाजस्तो टल्किने पदार्थलाई बहुमूल्य वस्तु भन्दै सर्वसाधारणलाई प्रलोभनमा पारी ठगी गर्ने ६ जनालाई प्रहरीले पक्राउ गरेको छ। उनीहरू कास्कीको पोखरा महानगरपालिका-२६, कालीकाचोकबाट पक्राउ परेका हुन्।

पक्राउ पर्नेमा पर्वतको फलेवास नगरपालिका-५ का ३५ वर्षीय राजन विक, २७ वर्षीया रोशनी विक र ६९ वर्षीया बाटुली भन्ने खगिसरा कामी रहेका छन्। त्यसैगरी म्याग्दीको मालिका गाउँपालिका-४ का ५१ वर्षीय दिलबहादुर बुढा मगर, म्याग्दीको रघुगंगा गाउँपालिका-५ का २९ वर्षीय दीपक गोतामे र कास्कीको पोखरा महानगरपालिका-२१ का ४५ वर्षीय प्रेमचन्द्र विश्वकर्मालाई पनि प्रहरीले नियन्त्रणमा लिएको छ।