एएफसी इन्फान्टिनोको पक्षमा उभिए पछि पुर्व जापानी प्रशिक्षकले दिए राजीनामा

काठमाडौं – जापानका पूर्व राष्ट्रिय फुटबल प्रशिक्षक ताकेशी ओकादाले जापान फुटबल संघ (जेएफए) को उपाध्यक्ष पदबाट राजीनामा दिएका छन् । विश्व फुटबल महासंघ (फिफा) र विश्वकपसँग जोडिएका पछिल्ला घटनाक्रममा व्यक्त प्रतिक्रियाहरू आफ्नो व्यक्तिगत मान्यता र खेलकुदको इमानदारीसम्बन्धी विश्वाससँग मेल नखाएको बताउँदै उनले पद छाडेका हुन् ।

सन् १९९८ र २०१० को विश्वकपमा जापानको प्रशिक्षक रहेका ओकादाको राजीनामा एसियाली फुटबल महासंघ (एएफसी) ले फिफा अध्यक्ष जियानी इन्फान्टिनोको पुनःनिर्वाचन अभियानलाई समर्थन गरेको एक सातापछि आएको हो । एएफसी अध्यक्ष शेख सलमान बिन इब्राहिम अल(खलिफाले टोकियोमा भएको बैठकमा इन्फान्टिनोलाई समर्थन गर्ने घोषणा गरेका थिए ।