६ बुँदे मागसहित मिटरब्याज पीडितको पैदल यात्रा काठमाडौंतर्फ

रौतहट।

सरकारसमक्ष ६ बुँदे माग राख्दै न्यायको खोजीमा मिटरब्याज पीडितहरू पैदल यात्रा गर्दै काठमाडौंतर्फ अघि बढिरहेका छन् । असार २५ गते जनकपुरबाट सुरु भएको यात्रा चन्द्रनिगाहपुर हुँदै राजधानीतर्फ अघि बढेको हो । न्याय माग्दै काठमाण्डौ पैदल जाँदै गरेका मिटरब्याज पीडितहरुले सरकार संग आक्रोश पोखेका छन । पीडितहरूले सरकारसमक्ष बुझाएको ६ बुँदे मागपत्रमा मिटरब्याजसँग सम्बन्धित नक्कली तमसुक, दृष्टिबन्धक, रजिस्ट्रेसन पासलगायतका कागजात खारेज गर्नुपर्ने, मिटरब्याजविरुद्ध शक्तिशाली विशेष आयोग गठन गर्नुपर्ने, विशेष न्यायाधिकरण स्थापना गरी पीडितका मुद्दाको छिटो टुंगो लगाउनुपर्ने, अवैध रूपमा कब्जा गरिएको सम्पत्ति फिर्ता गरिनुपर्ने तथा पीडितका लागि न्यायपूर्ण आर्थिक पुनस्र्थापना कार्यक्रम ल्याउनुपर्ने माग समावेश छन् । उनीहरुले माग पुरा नभएसम्म काठमाण्डौ बाट नफकर्ने उदघोष गरेका छन ।