चितवनमा बर्ड फ्लू पुष्टि, ३८ हजार बढी कुखुरा नष्ट

चितवनमा ‘बर्ड फ्लू’ संक्रमण देखिएपछि ३८ हजार बढी कुखुरा नष्ट गरिएको छ। खैरहनी नगरापालिका–१ स्थित एक व्यावसायिक कुखुरा फार्ममा संक्रमण पुष्टि भएपछि नियन्त्रणका लागि दाना सहित कुखुरा नष्ट गरिएको हो।

पशु सेवा कार्यालय चितवनका अनुसार संक्रमित फार्मबाट ३८ हजार २०० लेयर्स कुखुरा नष्ट गरिएको छ। जेठ २३ गते कुखुरामा बर्ड फ्लू संक्रमण भएको पुष्टि भएपछि जेठ २४ गते (आइतबार) बाट कुखुरा नष्ट गर्न सुरु गरिएको कार्यालयका प्रमुख डा. प्रभात न्यौपानेले जानकारी दिए।