राजकीय सम्मानका साथ नेम्वाङको अन्तिम बिदाइ

काठमाडौं । संविधानसभा अध्यक्ष एवम् नेपाल कम्युनिष्ट पार्टी (एमाले)का उपाध्यक्ष सुवासचन्द्र नेम्वाङको राजकीय सम्मानका साथ बिहीबार अन्त्येष्टि गरिएको छ । उहाँलाई पशुपति आर्यघाटमा छोराहरू मिङसो र सुहाङ नेम्वाङले दागबत्ती दिएर अन्तिम विदाई गरेलगत्तै नेपाली सेनाको टोलीले शोक धुन बजाएर राजकीय सम्मान अर्पण गरेको थियो ।

गृह मन्त्रालयका अनुसार उहाँलाई १७ तोपको सलामी दिईएको छ । त्यसका लागि सेनाको सानो ब्याण्ड र गुल्म खटाइनुका साथै सेनानीलाई स्कर्टपति तोकिएको थियो । नेम्वाङको पार्थिव शरीरलाई आठ जना सैनिकले काँध हालेका थिए । आर्यघाटमा सेनाको टुकडीले सलामी दिएको हो । शवयात्रामा नेपाली सेनाको ब्यान्ड टोली संलग्न थियो ।