भाइटीकाको दिन आज बालगोपालेश्वर मन्दिर खुला

काठमाडौँ । तिहारको भाइटीकाको अवसरमा आज काठमाडौँको रानीपोखरीभित्र अवस्थित बालगोपालेश्वर मन्दिर सर्वसाधारणका लागि खुला गरिएको छ।

दिदीबहिनी वा दाजुभाइ नहुने व्यक्तिहरूका लागि यो मन्दिर वर्षमा एकपटक भाइटीकाको दिनमात्रै खुल्ने परम्परा रहेको छ। यस्ता व्यक्तिहरूले यस दिन बालगोपालेश्वरको पूजा, दर्शन गरी एकअर्कालाई टीका लगाउने चलन छ।