९६ राष्ट्रलाई पछि पार्दै नेपाल जियोटेक्निकल सोसाइटीलाई अन्तर्राष्ट्रिय ‘सर्वोत्कृष्ट सदस्य संस्था अवार्ड’

काठमाडौं । नेपाल जियोटेक्निकल सोसाइटी (एनजीएस) ले ‘आईएसएसएमजीई (इन्टरनेशनल सोसाइटी फर सोइल मेकानिक्स एण्ड जियोटेक्निकल इन्जिनियरिङ) सर्वोत्कृष्ट सदस्य संस्था अवार्ड–२०२६’ पाएको छ ।

विश्वभरका ९६ देशका सदस्य संस्थाहरू आबद्ध रहेको यस अन्तर्राष्ट्रिय निकायले प्रत्येक ४ वर्षमा उत्कृष्ट योगदान पु¥याउने राष्ट्रिय संस्थालाई यो पुरस्कार प्रदान गर्ने गर्दछ । व्यावसायिक जियोटेक्निकल इन्जिनियरिङको विकास, अन्तर्राष्ट्रिय सहकार्य र संस्थागत सक्रियताको उच्च मूल्याङ्कन गर्दै यस वर्ष नेपाललाई सो सम्मान प्रदान गरिएको हो ।