पद्मसम्भव र रिन्जेनको सम्झनामा गुम्बा

काठमाडौँ — पद्मसम्भव र रिन्जेन दोर्जेको योगदान, इतिहास तथा पहिचानलाई ब्युँताउन काभ्रेपलाञ्चोकको तेमाल गाउँपालिका–८ टेकानपुरमा गुम्बा निर्माण गरिएको छ । बौद्ध धर्म सम्प्रदायमा पद्मसम्भवलाई गुरु रिम्पोछेका रूपमा पुजिन्छ ।

आठौं शताब्दीमा भारतबाट नेपाल हुँदै तिब्बत पुगेर बौद्ध धर्म विस्तार गरेको श्रेय उनैलाई जान्छ । तेमालका अन्तिम तामाङ राजाका रूपमा रिन्जेनलाई तामाङ समुदायले पुज्दै आएका छन् ।