वासिङ्टन डिसीमा शवदाह गृह बाहिर गोली चल्यो, एकजनाको मृत्यु

वासिङ्टन, २९ चैत्र । अमेरिकाको राजधानी वासिङ्टन डिसीमा मंगलबार गोली चलेको घटना सार्वजनिक भएको छ । यस गोलीबारीमा एक जनाको मृत्यु भएको र तीन जना गम्भीर घाइते भएको बताइएको छ । कसैको अन्त्येष्टिमा सहभागी हुन मानिसहरू पुगेका बेला उक्त घटना भएको हो ।

मेट्रोपोलिटन पुलिस प्रमुख रोबर्ट कोन्टीले उत्तरपूर्वी वाशिंगटनको अन्त्येष्टि गृह नजिकै एक प्रहरी अधिकारी तैनाथ रहेको बताए । जहाँ दिउँसो १२ः३० बजे गोली चल्यो। प्रहरीका अनुसार अन्त्येष्टि सकिएको करिब २० मिनेटपछि गोली चल्दा एक जनाको ज्यान गएको थियो । पीडित परिवारको आग्रहमा अन्त्येष्टि नजिकै प्रहरी पनि तैनाथ गरिएको अधिकारीले बताए ।